tekniken reunion..

time : 8.28pm
venue : di cni ruang tamu~ sambil2 melayan pesbuk kenen..

uhh.. start bulan lepas lai sibuk2 suda organizer reunion kasi spread word pasal ni reunion party nnt kenen.. huhu~ sia pun suda plan mo datang jua 2 reunion tu.. 10 years suda.. eh~ kira 10 taun la ba 2 kan.. sia sama rakan2 seangkatan kasi habis SPM d sana.. mo jua sia tingu muka2 durang skrg.. makin ensem ka durang? atau makin golombon mcm sia kaa.. mungkin jua makin santik2 durang jua kan.. hehe~ besa la ba.. zaman skul dulu mana ada masa mo becantik2 kali kan~ hahahah... by the way, i`m looking forward to meet all of them nnt on that reunion party.. mesti siuk 2 kan~ hehehehe...

cerita pasal tekniken.. banyak perkara yg sia mo kongsi pasal ni skul ni~ pahit manis sia sama2 ni skolah.. kenal ngan ramai urg d daerah len2.. tapi.. klas PKA/J 1999/2000.. paling best sia ingat.. jackass2 suma datang dari klas kami~ hahahaha.. hampir suma ragbi player.. kecuali c tom, samuel, azlan, clement..sama gadis2 di klas la.. durang mana men ragbi kan.. hehehe... di skolah ni juga sia belajar hidup sendiri2.. cuci kain sendiri.. hostel life la katakan.. hehe.. sampai kes ilang santut pun ada~~ hahahahaha~!! lucu..

tapi.. ni skolah laa yg ajar sia jadi seorang yg berjaya sama hidup sia sendiri.... mmmm.. nda rugi jua sia bt keputusan mo p skolah ni dulu.. and kalo sia nda pindah dari ranau dulu.. ntah apa jadi suda sama sia skrg~ kali tanpa kelulusan SPM.. or.. mungkin still lugai2 d sana pekan ranau.. teda arah punya urg.. thanks for Tekniken.. and thanks for all the teachers.. without all of you.. ntah... pa jadi sama sia skrg.. Thanks again~!!