Time : 6.26 pm..
Cuaca : Ujan tadi Kijap~ trus ok suda kenen..
Muahahahahahahhahahaha!!! sia nda percaya sia create sia punya blog site.. nda paa~ dengki baa kali sia sama urg2 ni kan~~ urg suma bt blog.. sia pun apa lai~ bt blog jua laa~ mmm apa baa sia mo taip ni arrr.. buli kaa sia mengarut2 dulu arr? buli baa kan kalo sia? hehe~ anu baa~ buring ba sia ni ari~ demam lai~ tiba2 out ni kenen di irc tadi~ datang bulan kali sia ni tau~ muaaahaha.. anu ba~ buring.. oh yaa~~ sia tingu parlimen 30 min baa semalam kan.. trus ada laa sia tenampak durang berdebat tentang peruntukan yg ciput d tanah Borneo banding d semenanjung.. yg timb. menteri ni pun 1.. mo cakap buduh.. dia suda jadi menteri.. anu baa~ dia bentang pasal project2 pembangunan di sabah dan sarawak baa kan~ trus tiba2 Datuk Ghapur (MP kalabakan) .. nda tau dia marah kaa nda 2~ deblang.. kalo teda kemajuan seimbang mcm d semenanjung, silap skit suma MP BN d sabah & sarawak bakal hilang kerusi durang d Parlimen masing2 d pilihanraya akan datang.. ( ayat yg sia ingat2 laa) trus pa lai~~ c abg Bung kita 2 trus malatup.. Muahahahhaa.. buli2 jua laa~~ Sia mimang respek laa Datuk Ghapur.. betul jua apa yg dia blang.. skarang ni new generation.. sampai bila durang mo kasi buduh2 rakyat.. ingat asal pilihanraya.. bagi Tangki biru 2 buli dpt undi rakyat laa konon?? mmm.. tepuk2 laa dada anda.. tanya.. ko mo makan sup ayam kaa sup kusung... muahahahaha.. c pandikar pun lek2 jak dia kenen.. apa nda~~ melibatkan sabah kan~ muahahaha.. end of that.. malas sia mo cerita pasal politik ni~ nanti sia kana ISA lai~~ susah~ mmm.. sia mimpi menang numbur ooo semalam~~ harap2 sia kana numbur laa ni ari~ muahahahahhaha... ok.. that it for now.. chow!!!
"Jangan sia2 kan hidup kita yg cuma sekali jak ni~~ Enjoy!!!!"
No comments:
Post a Comment